لغمان کې د خبریالانو او سیمه ییزو حکومتي ادارو ترمنځ د همغږۍ ناسته ترسره شوه
نن چهار شنبه، لغمان ولایت کې د خبریالانو او سیمه ییزو حکومتي ادارو د ویاندویانو ترمنځ د همغږۍ میاشتنۍ ناسته په اطلاعاتو او فرهنګ ریاست کې ترسره شوه. چې پکې د لغمان ولایت د اطلاعاتو او فرهنګ رئیس مولوي عبدالنور رسولي سربېره د ولایت ویاند مولوي سلامت خان بلال، د راډیو تلویزیون آمر طاهر ساپي، د اطلاعاتو آمر عتیق الله قریشي، د امنیه قومندانۍ، استخباراتو، امربالمعروف ویاندویانو، د رسنیو مسؤلینو او خبریالان ګډون درلود.
دغونډې په پيل کې د اطلاعاتو آمر عتیق الله قریشي د ناستې اړوند معلومات ورکړل، ورپسې د اطلاعاتو او فرهنګ رئیس له ټولو راغلو مسؤلینو مننه وکړه چې په یاده ناسته کې یې ګډون کړی و. ښاغلي رئیس زیاته کړه، اوس مهال لغمان کې رسنۍ په ښه وضعیت کې دي.
د غونډې په وروستۍ برخه کې د رسنیو مسؤلینو او خبریالانو خپلې ستونزې او غوښتنې د ناستې له ګډونوالو سره شریکې کړې چې د رئیس مولوي عبدالنور رسولي له لوري ورته د هر راز همکارۍ ډاډ ورکړل شو.
۱۴۴۴/۸/۱ ه ق
۱۴۰۱/۱۲/۳ ه ش
