سمنګان کې د بادام ګل مشاعره جوړه شوه
د سمنګان ولایت د اطلاعاتو او کلتور ریاست د لیکوالانو، فرهنګپالو او شاعرانو په حضور کې د بادام ګل تر عنوان لاندې فرهنګي غونډه او مشاعره جوړه کړه.
د غونډې په پیل کې د سمنګان د اطلاعاتو او کلتور ریاست د فرهنګ آمر د ګډونوالو تود هرکلی وکړ او د دې ډول مشاعرو پر ارزښت یې ټینګار وکړ، نوموړي وویل: خوشحاله یو چې د سمنګان فرهنګیان او لیکوالان یو ځل بیا راټول شوي، تر څو د بادام ګل چې د دې ولایت ارزښتناکه محصول دی، درناوی وکړي.
نوموړي زیاته کړه؛ شاعران او لیکوالان د ټولنې معنوي پانګه ده او تل یې د احساساتو د انتقال، د ښکلاوو او نیمګړتیاوو د بیانولو او د تاریخي پېښو ثبتولو کې مهم رول لوبولی دی.
د مشاعرې پر مهال شاعرانو، لیکوالانو او ادیبانو د بادام ګل، پسرلي او د سمنګان ښکلاوو ته ځانګړي شعرونه په دري، پښتو او ازبکي ژبو ولوستل چې د ګډونوالو له تود هرکلي سره مخ شول.
د یادونې وړ ده، چې د ګنجینه اشعار توفیق کتاب چې د قاضي جمالالدین توفیق لخوا لیکل شوی او د فرهنګي، ټولنیزو، دوستۍ او مینې په موضوعاتو رباعیات او دوه بیته شعرونه پکې راټول شوي، هم د همدې غونډې پر مهال نندارې ته وړاندې شو.
۱۴۴۶/۹/۱۸ ق
۱۴۰۳/۱۲/۲۸ ل
