د زابل والي د اطلاعاتو او کلتور رياست له مسؤلینو، خبريالانو، او د رسنيو له استازو سره وکتل
د زابل والي مولوي حزب الله افغان له خبریالانو او د رسنیو له استازو سره په داسې حال کې وکتل، چې د اطلاعاتو او کلتور رئيس، د ولایت مقام د دفتر رئيس، د اطلاعاتو آمر، خبریالانو، او د رسنیو مسولنیو هم ګډون درلود.
د اطلاعاتو او کلتور رئيس مولوي رحمت الله حماد په زابل کې د خبریالانو او رسنیو په هکله مفصل معلومات وړاندې کړل او زیاته يې کړه؛ د اسلامي امارت له فتحې را وروسته په زابل کې رسنیو، او خبریالانو د ټولو اسلامي قوانینو په رڼا کې خپلې چارې تنظيم او کارونه مخ ته وړي هغه وويل: چې ټولو خبریالانو په پوره اخلاص سره اولس او نظام ته کار کړی.
د پروګرام په دوام سره يو شمېر خبریالانو اطلاعاتو ته د لاس رسي، پر وخت د خبر رسونې، او د دولتي مسؤلینو د موثرو همکاريو په هکله خبرې وکړې او له ولایت مقام څخه يې د لا همکاريو غوښتنه وکړه.
د زابل والي مولوي حزب الله افغان د خوښۍ په څرګندولو سره د ټولو خبریالانو هڅې او کارونه وستایل او زياته يې کړه؛ ولايت مقام او ټول ولایتي اداري واحدونه به له خبریالانو سره د راپور جوړولو په برخه کې همکاري کوي او اطلاعاتو ته د لاس رسي په برخه کې به نورې اسانتیاوي هم برابروي
١٤٤٥/٨/٢٣هـ ق
١٤٠٢/١٢/١٥هـ ل
