د ازبکستان فرهنګي پلاوي د فاریاب د اندخوی ولسوالۍ له تاریخي آبداتو څخه لیدنه وکړه

wasim_admin
دوشنبه ۱۴۰۵/۷/۲۰ - ۱۰:۱۶
..

د ازبکستان  جمهوريت فرهنګي پلاوي د دواړو هېوادونو ترمنځ د فرهنګي اړیکو د پیاوړتیا او د تاریخي آبداتو د لیدنې په موخه، د فاریاب ولایت د اطلاعاتو او فرهنګ ریاست له مسوولینو، سیمه‌ییزو ادارو مسؤلینو، دیني عالمانو، قومي مخورو او د اندخوی ولسوالۍ له فرهنګیانو سره لیدنه وکړه.
د ازبکستان جمهوریت پلاوي چې مشري یې د فرهنګي میراثونو ادارې د رئیس مرستیال عزیزجان عارپ جانوف کوله په بلخ کې د ازبکستان د سرقونسل جعفر فتاحوف په ملتیا، د فاریاب ولایت د اطلاعاتو او فرهنګ له رییس مولوي شمس ‌الدین محمدي، سیمه‌ییزو مسوولینو او یو شمېر فرهنګیانو سره وکتل او د فرهنګي میراثونو په اړه یې خبرې وکړې.
د فاریاب د اطلاعاتو او فرهنګ رییس د اندخوی ولسوالۍ د تاریخي آبداتو د مخینې په اړه معلومات وړاندې کړل او د دغو تاریخي آثارو د بیارغونې، ساتنې او پالنې په برخه کې یې خپل وړاندیزونه له دغه پلاوي سره شریک کړل.
همدارنګه، یاد پلاوي له بابا ولي تاریخي آبدې، جامع جومات، مدرسې، د شیبانیانو له تاریخي حوض او د چهارده معصوم له زیارت څخه لیدنه وکړه. د دې لیدنې په لړ کې، د فاریاب ولایت د اطلاعاتو او فرهنګ ریاست مسوولینو د یادو آبداتو د تاریخي مخینې او فرهنګي ارزښت په اړه پلاوي ته معلومات ورکړل.
د ازبکستان پلاوي هم د فرهنګي او تاریخي میراثونو د ساتنې پر اهمیت ټینګار وکړ او د دغو آثارو د ساتنې او پالنې په برخه کې یې د فاریاب د اطلاعاتو او فرهنګ ریاست له هڅو څخه خوښي څرګنده کړه.

۱۴۴۸/۵/۲۹ هـ ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS