سرپل کې د لوحو او تابلوګانو تصفیه ترسره شوه
د سرپل ولايت د اطلاعاتو او کلتور رياست مسؤولين وايي: تېره ورځ يې ياد ولايت کې د لوحو او تابلوګانو څخه د بهرنيو ژبو د لرې کولو او پر ځای يې د ملي او محلي ژبو د ترويج کمپاين ترسره کړ.
د اطلاعاتو او کلتور رئيس ملا عبدالغفار حقنما وويل: د افغانستان اسلامي امارت له اساساتو څخه يو هم د افغاني اصل کلتور او ملي او محلي ژبو ژوندی ساتل دي، چې په همدې موخه د لوحو او تابلو ګانو د اصلاح کمېټې جوړې شوې دي، په سرپل ولايت کې د اکثره صنفونو لوحو کې بهرنۍ ژبې کارول شوي، چې مخنيوی يې د همدې کميټې له لوري کيږي.
د سرپل ولايت يو شمېر اوسيدونکي هم د مسؤولينو له ياد اقدام څخه خوښي څرګندوي او وايي: په تېرو دوه لسيزو کې په افغانستان کې د نظامي اشغال تر څنګ په کلتوري برخه کې هم ډير مشکلات رامنځته شوي وو، دلته د پرديو کلتورونه حاکم وو، چې خلک هم د پرديو له کلتور او ادبياتو سره مخامخ وو او له خپلو کره ادبياتو څخه لرې پاتې شوي وو.
۱۴۴۵/۵/۲۱ هـ ق
۱۴۰۲/۹/۱۴ هـ ش
