د توریزم او هوټل دارۍ انسټیټیوټ زده کړیالانو لوګر ولایت ته علمي سفر وکړ
د اطلاعاتو او کلتور وزارت د توریزم او هوټل دارۍ انسټیټيوټ زده کړیالانو د لوګر ولایت د اطلاعاتو او کلتور ریاست په همغږۍ د دې ولایت لرغونو سيمو، تاريخي آبداتو او تفريحي ځايونو ته علمي سفر وکړ.
د دغه علمي سفر پر مهال د لوګر د فرهنګ او ګرځندوی آمر زده کړیالانو ته د لوګر د لرغونو سيمو، تاريخي آبداتو او تفريحي ساحو په اړه معلومات ورکړل او دوی سره یې د هر ډول همکاريو ژمنه وکړه.
دغه راز د لوګر د لرغون پیژندنې مدیر وویل: راغلو زده کړیالانو د نایب امین الله خان لوګري کلا، ابو مسلم خراساني تاریخي آبدې او یو شمېر نورو تاریخي سیمو څخه لیدنه وکړه.
۱۴۴۷/۵/۲۷ هـ ق
