د راه فردا تلویزیون د فعالیت د ځنډولو په اړه د اطلاعاتو او کلتور وزارت اعلامیه

 د راه فردا تلویزیون د خبریالانو او کارکوونکو له پرلپسې شکایتونو وروسته چې ګواکې د یاد تلويزيون د ادارې له خوا يې د څو کلونو معاشونه او امتیازات نه دي ورکړل شوي، ‏د رسنيو د شکايتونو او سرغړونو د څېړنې کمیسیون له خوا د ستونزو د حل په موخه څو ځلې د دې تلويزيون مسؤلين راوغوښتل شول او د کارکوونکو د معاشاتو او امتيازاتو د ستونزو د حل سپارښتنې ورته وشوې، خو تر اوسه د دوی له خوا یادې موضوع ته رسیدګي ونه شوه، حتی ځینې وختونه له کارکوونکو سره ګواښوونکی چلند هم شوی دی، له همدې امله کمیسیون پرېکړه وکړه، چې د جانبينو موضوع د حل په موخه محکمې ته وړاندې کړي او د رسنیزو اصولو او قوانینو له مخې د محکمې تر پرېکړې پورې د راه فردا تلویزیون فعالیتونه وځنډوي.

د اطلاعاتو او کلتور وزارت
نېټه: ۱۴۰۴/۲/۹ ل