د رسنیزو تخطیو د ارزونې کمېسیون نوبتي غونډه وشوه
نن چهارشنبه ( ۲۰ شعبان ۱۴۴۶) د اطلاعاتو او کلتور وزارت د خپرونو چارو معینیت کې د رسنیزو تخطیو د ارزونې کمېسیون نوبتي غونډه ترسره شوه.
په دې غونډه کې د اطلاعاتو او کلتور وزارت د خپرونو چارو معین مهاجر فراهي، د مطبوعاتو او رسنیو د نظارت رئیس مولوي صفي الله رائید او د کمېسیون نورو غړو ګډون کړی وو.
د غونډې په پیل کې د تېرو غونډو د فعالیتونو او لاسته راوړنو په اړه خبرې وشوې او ورپسې د جهان راډیو ټلویزیون او د غور ولایت سیمه ییزو رسنیو ستونزې وڅېړل شوې او همدارنګه د رسنیو د برق بل لګښت په اړه هم بحث وشو.
د غونډې په پای کې ټاکل شوې کمیټې د ملي او اسلامي هویت د پیاوړتیا لپاره د القابو، کلمو او اصطلاحاتو په اړه خپل راپور د کمېسیون غړو سره شریک کړ.
د یادونې وړه ده چې د کمېسیون غړو د څو بېلابېلو موضوعاتو په اړه خپل نظریات او وړاندیزونه وړاندې کړل.
۲۰۲۵/۲/۱۹ ز
۱۴۰۳/۱۲/۱ هـ ل
