بادغيس د خبریالانو او دولتي ادارو د وياندویانو د ظرفیت لوړونې سيمينار پای ته ورسېد
سه شنبه ( ۱۷ د شعبان ۱۴۴۵) د بادغيس ولايت د اطلاعاتو او کلتور رياست له لوري د دولتي ادارو د وياندویانو، خبريالانو، د غږيزو او تصويري رسنيو د مسؤلينو د ظرفيت لوړونې په موخه جوړ شوی، دوه ورځنی ښوونيز سيمينار پای ته ورسېد.
د اطلاعاتو اوکلتور رئيس اخندزاده مولوي مطيع الله متقي وويل: د بادغيس ولايت د دولتي ادارو د وياندويانو، خبريالانو او د رسنيو د مسؤلينو د مسلکي ظرفیت لوړونې په موخه جوړ شوی دوه ورځنی ښوونيز سيمينار د اطلاعاتو د آمر سيد خليل فروتن او د باختر آژانس د مدير عبدالطیف ايوبي له لوري پر مخ وړل کېده، چې د اطلاعاتو ته د لاسرسي د ځينو مادو او د خبر جوړونې او راپور ليکنې په اړه يې لازم معلومات شريک کړل.
په پای کې د سيمينار ګډونوالو ته د اطلاعاتو او کلتور رياست له لوري اماده شوي تصديقونه وويشل شول.
