د غور ولايت د ځوانانو آمر له ښوونيزو کورسونو څخه ليدنه وکړه
دوشنبه (۱۶رجبالمرجب۱۴۴۵) د غور ولايت د اطلاعاتو او کلتور رياست د ځوانانو آمر مولوي عبدالصبور فکور د دې ولايت له ښوونيزو کورسونو څخه د ليدنې پر مهال له ځوانانو سره د راتلونکو پلانونو په هکله خبرې وکړې.
په دې ليدنه کې د ځوانانو آمر د کورسونو زدهکوونکي زدهکړې او پوهنې ته وهڅول او له دوی يې وغوښتل چې کوم مسلک او رشته چې ټاکئ نو په سمه توګه يې مخ ته يوسئ، تر څو په راتلونکي کې د څپل مسلک له لارې ملت خدمت وکړئ.
د ځوانانو آمر دوی ته وويل: ا.ا.ا. ځوان قشر ته ځانګړی پاملرنه کوي او په راتلونکي کې به د ځوانانو لپاره بېلابېلې برنامې ولري.
همدارنګه يې وويل: د زدهکړيالانو، زدهکوونکو او د مدرسو د طالبعلمانو ترمنځ تضاد د پرديو هڅې دي، نو ځوانان باید د دښمنانو په فکري جنګونو و نه غولېږي او له يو بل سره اوږه په اوږه د پوهې په ترلاسه کولو کې هڅې وکړي، ځکه چې هېواد مو پوهو کسانو ته جدي اړتيا لري.
