کونړ کې د ناوړه دودونو د مخنیوي په موخه غونډه وشوه

د کونړ اطلاعاتو او فرهنګ ریاست له لوري د ناوړه دودونو د مخنیوي په موخه غونډه وشوه، چې په دې غونډه کې د یو شمېر امارتي ادارو مسؤلینو ترڅنګ قومي مشرانو، شاعرانو، لیکوالانو، فرهنګیانو او ځوانانو ګډون کړی و.
د اطلاعاتو او فرهنګ ریاست مسؤلینو د غونډې ګډونوالو ته د ښه راغلاست ویلو ترڅنګ د ناوړه دودونو د مخنیوي په اړتیا خبرې وکړې او ویې ویل: د عالیقدر امیرالمومنین(حفظه الله) ۱۷ مه ګڼه فرمان پلي کول د هر فرد مسؤلیت دی، ځکه دغه فرمان د ټولنیز نظم ټینګولو، ولسونو ته د اسانتیاوو برابرولو او د ناوړه دودونو د مخنیوي په موخه صادر شوی دی.
د غونډې په لړ کې نورو ویناوالو هم په ټولنه کې د ناوړه دودونو د زیانونو په اړه خبرې وکړې او له ټولو ګډونوالو څخه یې وغوښتل چې په ټولنه کې د یاد فرمان په پوره توګه پلي کولو کې خپل مسؤلیت اداء کړي.
دغه راز په ټولنه کې د ناوړه دودونو د مخنیوي په برخه کې قومي مشرانو، شاعرانو، لیکوالانو، فرهنګیانو او ځوانانو د پوره همکاریو ډاډ څرګند کړ او ویې ویل: د عالیقدر امیرالمؤمنین(حفظه الله) ټول فرامین د ولسونو د ګټو په موخه صادر شوي دي او موږ یې په پوره توګه او په ګډه ملاتړ کوو.

۱۴۴۷/۱۱/۱۲ هـ ق