په پروان کې مبارزین او لیکوالان وستایل شول

نن چهار شنبه (۱۴۴۵/۲/۶ هـ ق) د پروان ولایت د اطلاعاتو او کلتور په ریاست کې مبارزین او لیکوالان د یوې غونډې په ترڅ کې وستایل شول.
په دې غونډه کې دپروان ولايت د اطلاعاتو او کلتور  رياست مسؤلینو، يو شمير مبارزين، ليکوالانو او ځوانانو ګډون کړی و.
د غونډې په پیل کې د اطلاعاتو او کلتور رئیس مولوي شمس الرحمن صدیقي خبرې وکړې او ویې ویل: لکه څنګه چې تاسو پوهېږئ، چې دښمن تل هڅه کوي چې اسلامي نظامي له منځه یوسي او د مسلمانانو ذهنونه مغشوش کړي، نو مبارزین، لیکوالان او ځوانان دنده لري، چې د دښمن د دې شومو موخو په وړاندې مبارزه وکړي او حقایق په ډاګه کړي. 
ورپسې د پروان والي مولوي عبيدالله امين زاده د دغې غونډې د جوړولو په اهميت او اړتيا خبرې وکړې او ويې ويل: نن ورځ د هغو کسانو لپاره چې په قلم او ژبه یې جهاد کړی، تر ټولو ښه فرصت دى، چې په خپلو اغېزناکو ليکنو کې د اسلامي ارزښتونو په اړه څرګندونې وکړي.
د غونډې په وروستۍ برخه کې مبارزین او لیکوالان و ستایل شول.