په ننګرهار کې د ځوانانو د همغږۍ او د نظام په ملاتړ غونډه وشوه
تېره ورځ په ننګرهار ولایت ګوشتې ولسوالۍ کې د ځوانانو د همغږۍ او نظام په ملاتړ غونډه وشوه او د دغه ولسوالۍ د ځوانانو مسؤل وټاکل شو.
په یاده غونډه کې یو شمېر اداري مسؤلینو، ځوانانو، قومي مشرانو، دیني علماوو ګډون کړی و.
په غونډه کې د اطلاعاتو او کلتور ریاست د ځوانانو چارو آمر قاري محمد آصف زهیر وویل، اوسنی نظام د ځوانانو د مثبتو کړنو ملاتړ دی، ځکه د هېواد راتلونکی د همدوی په لاس کې دی، په همدې موخه د ننګرهار اطلاعاتو او کلتور ریاست د ځوانانو چارو آمریت د ځوانانو د همغږۍ په پار بېلابېل پروګرامونه جوړوي.
ورپسې د ګوشتې ولسوال، امنیه قوماندان، امربالمعروف استازي او قومي مشرانو په ټولنه کې د ځوانانو پر رول او اهمیت هر اړخیزې خبرې وکړې.
۱۴۴۵/۱/۲/ هـ ق
۱۴۰۲/۴/۲۸ هـ ش
