په اسلامي ټولنه کې د ځوانانو ځای او اهمیت په اړه یو ورځنی سمینار جوړ شو
د دایکندي ولایت د اطلاعاتو او کلتور ریاست د منار کلتوري ادارې په همغږۍ سره په اسلامي ټولنه کې د ځوانانو ځای او اهمیت په اړه یو ورځنی سمینار جوړ شو.
د دایکندي د اطلاعاتو او کلتور ریاست آمر ضیا محمد هاشمي ګډونوالو ته د ښه راغلاست ترڅنګ وویل، چې د دایکندي د اطلاعاتو او کلتور ریاست همېشه د ځوانانو فکري وده کې هڅې کړې ده؛ ښاغلي هاشمي ځوانان د اسلامي کلتور د تقویې لپاره مهم وبلل او له هغوی یې غوښتنه وکړه چې د افغانستان اسلامي امارت سره همکار پاتې شي.
همدارنګه د دغه سمینار ګډونوالو د دایکندي د اطلاعاتو او کلتور ریاست څخه د دې سمینار د جوړولو په پار مننه وکړه او د نورو دغه ډول پروګرامونو د جوړولو غوښتنه یې وکړه.
د یادونې وړه ده، چې له دې مخکې هم دغې ادارې له اړونده ادارو سره په همغږۍ او همکارۍ د ځوانانو لپاره د اسلامي کلتور د ودې او تقویې پروګرامونه جوړ کړي وو.
۱۴۴۶/۸/۲۱ هـ. س
۱۴۰۳/۱۲/۲ هـ. ل
