پنجشېر کې ځوانانو ته د خوشنويسۍ کورس پيل شو
د پنجشېر ولايت د اطلاعاتو او کلتور رياست د ځوانانو چارو آمريت له لوري ځوانانو ته د خوشنويسۍ کورس د اطلاعاتو او کلتور رئیس مولوي نصرالله ملکزاده او د اطلاعاتو او ځوانانو چارو آمرينو په حضور کې پرانستل شو.
د اطلاعاتو او کلتور رياست رئيس مولوي نصرالله ملکزاده د ياد کورس د پرانستې په مراسمو کې وويل: خوشنويسي د حرفونو د سينګار په معنی نه ده، بلکې حرفونه په خپل ښکلي تخيل سره کښلو ته خوشنويسي وايي، نوموړي زياته کړه؛ اسلامي امارت د ځوانانو له زده کړو څخه ملاتړ ته ژمن دی، چې مونږ هم دې برخه کې مسؤلانه کړنې ترسره کوو.
د ځوانانو چارو آمر مولانا عبدالمطلب اميري وويل: دا کورس د يوې مياشتې لپاره جوړ شوی دی، چې تر دې مهاله پکښې له مرکز بازارک څخه ديرش تنه ځوانان په زده کړو بوخت دي.
۱۴۴۶/۲/۲۸ هـ ق
۱۴۰۳/۶/۱۱ هـ ل
