پنجشېر کې د حسن قرائت، نعت او ويناوالۍ سيالي ترسره شوه
د پنجشېر ولايت د اطلاعاتو او کلتور رياست د ځوانانو چارو آمريت د ځوانانو ترمنځ د حسن قرائت، نعت او ويناوالۍ سيالي ترسره کړه.
یادو مراسمو کې د ځوانانو چارو آمر عبدالمطلب امیري، قومي مشرانو، علماوو، او ځوانانو ګډون کړی وو.
د ځوانانو چارو آمر وویل: د اطلاعاتو او کلتور رياست غواړي چې د دا ډول سياليو په ترسره کولو سره د ځوانانو ذهنونه روښانه کړي او د دوی د پرمختګ زمينه برابره کړي، نوموړي ټينګار وکړ، چې اسلامي امارت د ځوانانو پرمختګ ته ژمن دی او دې برخه کې د هېڅ ډول هڅو څخه ډډه نه کوي.
د يادونې وړ ده، چې دې سيالۍ کې د ويناوالۍ په برخه کې ولی الله کريمي، د نعت برخه کې ضیاء الله حبیبي او د حسن قرائت په برخه کې محمد رامش انوري لومړي مقامونه وګټل، چې د اطلاعاتو او کلتور رياست له لوري په بېلابېلو ډاليو ونازول شول.
۱۴۴۶/۴/۱۹ هـ ق
۱۴۰۳/۸/۱ هـ ل
