غزني ولايت کې يوې سترې مشاعرې جوړولو ته تياری روان دی
نن پنجشنبه ( ۲۳ د جمادی الاول ۱۴۴۵) د غزني ولايت د اطلاعاتو او کلتور رياست په اداري مجلس کې د ياد رياست رئيس ملا حميد الله نثار د کلتور او هنر آمريت ته دنده وسپارله تر څو په غزني کې يوې سترې مشاعرې ته تیاری ونيسي.
د اطلاعاتو او کلتور رياست اداري مجلس د ياد رياست د رئيس ملا حميدالله نثار په مشرۍ ترسره شو، چې ددې رياست کارمندانو هم پکې برخه لرله، مجلس د قرانکريم د مبارکو آیاتونو په تلاوت سره پيل شو، ورپسې ښاغلي نثار په خپلو خبرو کې د کلتور او هنر آمر ښاغلي اغامحمد خوشه زاده ته دنده وسپارله تر څو په نژدې راتلونکي کې د یوې سترې مشاعرې لپاره تیاری ونيسي.
د اداري مجلس په جريان کې د کلتور او هنر آمر، د اطلاعاتو آمر، د ځوانانو چارو آمر او د ګرځندوی مدير د تېرې میاشتې لاسته راوړنې يادې کړې او د خپلو اړوندو شعباتو ستونزې او وړانديزونه يې په ګوته کړل.
