زابل کې له یو شمېر سیاحتي شرکتونو څخه لیدنه وشوه
د زابل ولايت د اطلاعاتو او کلتور ریاست د فرهنګ او ګرځندوی د آمر په مشرۍ یوه پلاوي قلات ښار کې د سیاحتي شرکتونو د فعالیتونو څخه لیدنه وکړه.
پلاوي د سیاحتي شرکتونو له مسؤلینو سره د لیدنې پرمهال ژمنه وکړه، چي دوی ورسره پوره همکار دي او کولای شي، چي هر وخت اطلاعاتو او کلتور ریاست سره خپلې غوښتنې او وړاندیزونه شریک کړي.
همدا راز یاد پلاوي د سیاحتي شرکتونو له مسؤلینو او استازو څخه هیله وکړه، چې ولسونو ته د خدماتو په وړاندې کولو کې له پوره اخلاص څخه کار واخلي.
د سیاحتي شرکتونو مسؤلینو د اطلاعاتو او کلتور ریاست څخه د مننې تر څنګ خپل وړاندیزونه او ستونزې د دې ریاست له استازو سره شریکې کړې، چې د ستونزو د حل کولو ډاډ ورکړل شو.
۱۴۴۶/۱۱/۱۵ هـ ق
