د کتاب ارزونې کمېسیون نوبتي غونډه وشوه
دوشنبه ( ۱۴۴۷ د شوال المکرم ۱۲مه) د اطلاعاتو او کلتور وزارت د خپرونو چارو معینیت اړوند د کتاب ارزونې کمېسیون نوبتي غونډه وشوه.
د غونډې په پيل کې د کمېسیون منشي د تېرې غونډې راپور وړاندې کړ او د کمېسيون لاسته راوړنې او فعالیتونه مثبت وارزول شول، په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه، همدارنګه د ۴۷ بېلابېلو عنوانونو درلودونکي ۱۲۹ ټوکه صادره او وارد شویو کتابونو په اړه هم لازمې پرېکړې وشوې او ۲۲ ټوکه راجع شوي کتابونه د کمېسیون غړو ته وسپارل شول، ترڅو، په راتلونکي ناسته کې یې راپور وړاندې کړي.
د یادونې وړ ده، چې د غونډې په پای د ۱۴۰۴ لمریز کال د راپور ارزونه وشوه او تایید شو او د نوي لمریز کال لپاره د دې کمېسیون د پلانونو او پروګرامونو په اړه هم نظرونه تبادله شول او اړینې پریکړې وشوې.
۱۴۰۵/۱/۱۰هـ ل
