د ځوانانو چارو معینیت پلاوي جوزجان ولایت ته سفر وکړ
شنبه ( ۲۳ ذوالقعده ۱۴۴۵ ) د اطلاعاتو او فرهنګ وزارت د ځوانانو چارو معینیت پلاوي د ځوانانو د سوداګريزو استعدادونو د پراختیا له مرکزونو د څارنې په موخه جوزجان ولایت ته سفر وکړ او د اطلاعاتو او فرهنګ له رئیس مولوي سیف الدین معتصم سره یې وکتل.
د جوزجان ولايت د اطلاعاتو او فرهنګ رئيس مولوي سيف الدين معتصم په ياده کتنه کې وويل: د آنلاين سوداګرۍ د زده کړې په برخه کې د دغه ولايت يو شمېر ځوانانو د زده کړو له بهير څخه پاته شوې دي، باید په دې برخه کې د ځوانانو د زده کړې بهیر ګړندی شي،ھمداراز نوموړي دځينو شته ستونزو يادونه وکړه.
هجرت الله سادات د پلاوي په استازيتوب د جوزجان ولايت د اطلاعاتو او فرهنګ له رئيس سره په کتنه کې د خوښۍ په څرګندولو سره وويل: د يادې پروژې ټولې اړتياوې او ستونزې مو واورېدې او له معینیت سره مو پرې خبرې وکړې، د ځوانانو چارو معینیت د دارنګه پروژو د ښه پلي کولو لپاره ډیر پلانونه په نظر کې لري
د ښاغلي سادات په وینا؛ د ځوانانو چارو معینیت هڅه کوي، چې د ځوانانو د پوهې د لوړولو لپاره بېلابېل پروګرامونه ترسره کړي.
۱۴۰۳/۳/۱۲ هـ ل
۲۰۲۴/۶/۱ میلادي
