د پنجشېر د عامه کتابتون فعاليتونه او لاسته راوړنې وستايل شوې

تېره ورځ د عامه کتابتون رياست له لوري په ياد رياست کې د پنجشېر ولايت د عامه کتابتون د مسؤل ګل حیدر اکبري فعاليتونه او لاسته راوړنې وستايل شوې.
د عامه کتابتون رئيس قاري عبیدالله حنیف وويل: د اسلامي امارت له حاکميت څخه وروسته ددوی څېړنو ثابته کړې، چې د پنجشېر د اطلاعاتو او کلتور رياست اړوند عامه کتابتون فعاليتونه او د خدماتو وړاندې کول په عالي ډول ترسره شوي دي او یاد ولايت کې يې د کتابونو نندارتونونه جوړول د ستاينې وړ کار وباله.
ښاغلي حنیف د پنجشېر د عامه کتابتون د مسؤل ګل حیدر اکبري د فعاليتونو او لاسته راوړنو د ستاينې لپاره نوموړي ته ۱۰۰ ټوکه بېلابېل کتابونه هم د ډالۍ په ډول ورکړل.

۱۴۴۵/۷/۴ هـ ق
۱۴۰۲/۱۰/۲۵ هـ ش