د هلمند عامه کتابتون ته یو شمېر کتابونه ډالۍ شول

تېره ورځ د هلمند عامه کتابتون ته د هېواد تکړه لیکوال او پیاوړي عالم الحاج مولوي عبدالغفار جُبیر له لوري خپل څو جلده بېلابېل چاپ شوي کتابونه ډالۍ شول.
ښاغلي جُبیر پر نورو هېوادوالو هم ږغ وکړ، هغه کتابونه چې نه یې مطالعه کوئ، د هلمند عامه کتابتون ته یې وسپارئ، تر څو نور هېواد وال ورڅخه ګټه واخلي.
نوموړي عالم د هلمند عامه کتابتون ته ( موسیقي په اسلام او ساینس کې»، «حجاب په اسلام او ساینس کې»، «نړیوال سوالونه او ځوابونه»، «بایبل چیست؟») او داسې نور کتابونه ډالۍ کړل.
د هلمند د عامه کتابتون مسئول محسن عمري له ښاغلي مولوي جُبیر څخه مننه وکړه، چې د هلمند عامه کتابتون ته يې ګټور کتابونه ډالۍ کړل.

١٤٤٥/٢/١١ ھ ق
١٤٠٢/٦/٦ ھ ش