د هرات د اطلاعاتو او کلتور رئیس او د فرهنګي میراثونو د ساتنې ټولنې غړو ترمنځ ناسته وشوه

wasim_admin
سه‌شنبه ۱۴۰۵/۶/۲۴ - ۱۳:۸
...

د فرهنګي میراثونو د ساتنې ټولنې مدیره پلاوي د هرات د اطلاعاتو او کلتور له رئیس الحاج مولوي عتیق‌الله عزیزي سره لیدنه وکړه او د فرهنګي او تاریخي میراثونو د ساتنې، بیارغونې او پېژندنې په اړه یې خبرې وکړې.
په دې ناسته کې د تاریخي ودانیو د وضعیت، د فرهنګي اثارو او تاریخي شتمنیو د ساتنې، د فرهنګي بنسټونو ترمنځ د همکارۍ او د تاریخي میراثونو د ساتنې په برخه کې د مسلکي ټولنو د ظرفیتونو د کارونې په اړه بحث وشو.
د هرات د اطلاعاتو او کلتور رئیس هرات د علم، فرهنګ، تاریخ او ادب ښار وباله او ویې ویل: دغه ولایت له پخوا راهیسې په علمي، فرهنګي او تاریخي برخو کې ځانګړی ځای لري او په هرات کې د اسلامي امارت مسئولین د تاریخي او فرهنګي میراثونو ساتنې ته ځانګړې پاملرنه کوي، د هرات تاریخي میراثونه یوازې د یوې دورې او نسل پورې اړه نه لري، بلکې د دې خاورې د تاریخي او فرهنګي هویت برخه ده او ساتنه یې د مسئولینو، فرهنګي بنسټونو، متخصصانو او خلکو ګډې همکارۍ ته اړتیا لري.
نومړي له فرهنګي ټولنو سره د لا ډېرو همکاریو او همغږۍ پر دوام ټینګار وکړ او ویې ویل: د اړوندو بنسټونو مسلکي نظریات او وړاندیزونه د تاریخي ودانیو او اثارو په لا ښه ساتنه کې اغېزمن تمامېدای شي.
بل خوا، د فرهنګي میراثونو د ساتنې او بیا رغونې ټولنې مدیره پلاوي د دې لیدنې موخه د هرات د اطلاعاتو او کلتور ریاست سره د همکاریو پیاوړتیا او د فرهنګي میراثونو د ساتنې او بیارغونې په برخه کې د لا ډېرې همغږۍ رامنځته کول وبلل.
دوی وویل، هرات د سلګونو تاریخي ودانیو، فرهنګي اثارو او لرغونو سیمو په لرلو سره د دغو شتمنیو د ساتنې، بیارغونې او معرفي لپاره منظم او مسلکي پروګرامونو ته اړتیا لري او دا ټولنه چمتو ده، چې په مسلکي، عامه پوهاوي او نورو برخو کې له مسئولو بنسټونو سره همکاري وکړي.
د ناستې په پای کې د همکاریو پر دوام، د مسلکي ناستو پر جوړولو او د هرات د ارزښتمنو تاریخي میراثونو د ساتنې په موخه د اطلاعاتو او کلتور ریاست، د فرهنګي میراثونو د ساتنې او بیا رغونې ټولنې او نورو اړوندو بنسټونو ترمنځ د لا ډېرې همغږۍ پر رامنځته کولو ټینګار وشو.
١٤٤٨/٤/٢ ه ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS