د خپرونو چارو معین فاریاب کې د رسنیو له مسؤلینو او ژورنالیستانو سره وکتل

wasim_admin
سه‌شنبه ۱۴۰۵/۶/۲۴ - ۱۲:۲۴
..

د اطلاعاتو او فرهنګ وزارت د خپرونو چارو معین ښاغلي مهاجر فراهي د یاد معینیت اړوند پر ټولیزو رسنیو دڅارو رئیس مولوي صفی الله رائد او د دغه وزارت حقوقي سلاکار مولوي رحمت الله نړیوال په شتون کې د فاریاب ولایت د امارتي او خصوصي رسنیو له یو شمېر ژورنالیستانو او مسؤلینو سره د اطلاعاتو او فرهنګ ریاست کې وکتل.
د دې لیدنې پر مهال د خصوصي رسنیو مسؤلینو او ژورنالیستانو د خبریالۍ کارتونو جوړولو، بريښنا بېلونو او اطلاعاتو ته د لاسرسي په اړه خپلې ستونزې او وړاندیزونه وړاندې کړل او ویې ویل: په تېرو پنځو کلونو کې فاریاب کې د رسنیو او ژورنالیستانو په وړاندې کومه ستره ستونزه نه ده رامنځته شوې. 
ژورنالیستانو زیاته کړه، چې د فاریاب ولایت د رسنیو مسؤلین او ټول ژورنالیستان د اسلامي نظام او ملي ارزښتونو ساتلو ته ژمن دي او ټول ژورنالیستان د عامه افکارو د جوړولو او ساتلو په برخه کې د پوره همکاریو ډاډ ورکوي.
ورته مهال د خپرونو چارو معین ښاغلي مهاجر فراهي د رسنیو او ژورنالیستانو د ترسره کړیو فعالیتونو ستاینه وکړه او ویې ویل: د اطلاعاتو او فرهنګ ریاست د هېواد د ټولو رسنیو او ژورنالیستانو ملاتړ ته ژمن دی. ښاغلي فراهي ډاډ څرګند کړ، چې د موجودو ستونزو د حل او له ژورنالیستانو څخه د ملاتړ لپاره به لازمې هڅې وشي.

۱٤٤۸/٤/۲ هـ ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS