د اطلاعاتو او کلتور رياست مسؤلينو د رستاق ولسوالۍ له تاريخي آبدو څخه ليدنه وکړه
د تخار ولايت د اطلاعاتو او کلتور رئيس مولوي ذبيح الله انصاري او د کلتور او ګرځندوی آمر استاد نورالدين قليچ بيک رستاق ولسوالۍ ته د سفر په ترڅ کې د يادې ولسوالۍ له تاريخي آبدو څخه ليدنه وکړه.
مولوي ذبيح الله انصاري وايي: د رستاق ولسوالۍ د سلطان محمود بلخي تاريخي آبده چې په حضرت واقف هم مشهوره ده تېر کال د اورښتونو او طبيعي افتونو له امله زيانمنه شوې وه، د لا زيانمنېدو څخه د مخنيوي په موخه يې يادې ولسوالۍ ته سفر وکړ، نوموړي زياته کړه؛ د رستاق ولسوالۍ هغه ټولې تاريخي آبدې چې بيارغونې ته اړتيا لري، په اړه به يې معلومات د اطلاعاتو او کلتور وزارت مقام سره شريک کړل شي، تر څو د بيا رغونې لپاره يې مناسب پلان جوړ شي.
۱۴۴۵/۶/۱۹ هـ ق
۱۴۰۲/۱۰/۱۱ هـ س
