د اطلاعاتو او فرهنګ وزارت سرپرست د لرغونو آثارو پر ساتنې ټينګار وکړ

moic_admin
یکشنبه ۱۳۹۹/۴/۸ - ۲۱:۴۱
vc

د اطلاعاتو او فرهنګ وزارت سرپرست د لرغونو آثارو پر ساتنې ټينګار وکړ
کابل د چنګاښ ٨ مه

د اطلاعاتو او فرهنګ وزارت سرپرست محمد طاهر زهير نن د اطلاعاتو او فرهنګ له څلورو ولايتي رييسانو سره په آنلاين ډول ناسته جوړه کړه.

په دې ناسته کې د فراه، دايکنډي، پکتيا او بادغيس د اطلاعاتو او فرهنګ رييسانو د خپلو فعاليتونو او لاسته راوړنو رپوټ د اطلاعاتو او فرهنګ وزارت سرپرست ته وړاندې کړ.

د فرهنګي جشنونو ترسره کول، عامه کتابتونونو ته د کتابونو راټولول او د فرهنګي شخصيتونو ستايل د ولايتونو د اطلاعاتو او فرهنګ د رييسانو له لاسته راوړنو څخه دي.

د ولايتونو د اطلاعاتو او فرهنګ رييسانو په ولايتونو کې د بودجې او تشکيل د زياتوالي او د لرغونو آثارو د ترميم او مرمت کولو غوښتنه وکړه.

د اطلاعاتو او فرهنګ وزارت سرپرست محمد طاهر زهير د ناستې د جوړولو موخه د ستونزو شريکول وبلل او ويې ويل چې د ولايتونو د اطلاعاتو او فرهنګ رييسان دې هلې ځلې وکړي چې له فرهنګي او ټولنيزو بنسټونو سره ښې اړيکې رامنځته کړي.

د اطلاعاتو او فرهنګ وزارت سرپرست، د ولايتونو د اطلاعاتو او فرهنګ رييسانو ته لارښوونه وکړه چې د لرغونو آثارو په ساتنه او مرمت کولو کې هېڅ راز هڅې و نه سپموي.

sunday-vc

 

تازه خبرونه

دوشنبه ۱۳۹۹/۴/۱۶ - ۹:۴۲
Background image

د غوریانو دورې پورې اړوند د تاریخي سندونو یوه بسته ارزول کېږي


د غوریانو په دورې پورې اړوند د تاریخي سندونو د ارزونې غونډه چې ویل کېږي زرکاله لرغونتیا لري، نن د اطلاعاتو اوفرهنګ په وزارت کې جوړه شوه
د باخترآژانس خبریال د خبرله مخې، ټاکل شوې ده دغه. . .

دوشنبه ۱۳۹۹/۴/۱۶ - ۹:۳۹
Background image

د اطلاعاتو اوفرهنګ وزارت سرپرست : په ملي ارشيف کې شته اثار په سيمه کې سارى نلري


د اطلاعاتو او فرهنګ سرپرست او نوماند وزيرمحمد طاهر زهير د ملي ارشيف 
بيلابيلو برخو څخه د کتنې په وخت کې وويل، هغه شته خطي اثارچې په ملي ارشيف کې شتون لري په سيمه کې سارى نلري .
د. . .

یکشنبه ۱۳۹۹/۴/۱۵ - ۱۸:۵۷
Background image

د چارو ادارې لوی رئیس د اطلاعاتو او فرهنګ وزارت له سرپرست او نوماند وزیر سره وکتل

د چارو ادارې لوی رئیس ډاکټر فضل محمود فضلي د اطلاعاتو او فرهنګ وزارت له سرپرست او نوماند وزیر طاهر زهیر سره په کتنه کې د دغه وزارت د رهبرۍ په اصلاحي برنامو بحث او خبرې وکړې.
ښاغلي زهیر. . .

BACK TO NEWS