د اسلام لنډ تاریخ د ازموینې پایلې اعلان شوې 

د ننګرهار ولایت د اطلاعاتو او کلتور ریاست ځوانانو چارو آمریت له لوري د اسلام لنډ تاریخ په برخه کې تېره چهارشنبه د یاد ریاست رئیس مولوي نور محمد حنیف او د پوهنتون استادانو تر نظارت لاندې ازموینه اخیستل شوې وه، اوس یې پایلې اعلان او غوره زده کوونکو ته د اطلاعاتو او کلتور ریاست له لوري جوایز هم ورکړل شول.
په غونډه کې د اطلاعاتو او کلتور رئیس د ازموینې بریالي ځوانانو ته مبارکي وویله او زیاته یې کړه، د ویاړ ځای دی، چې ننګرهار کې ګڼ شمېر ځوانانو د اسلام لنډ تاریخ ازموینه کې ګډون وکړ او دا د دې ښکارندويي کوي، چې زموږ ځوانان له خپل دین او هېواد سره مینه لري.
د غونډې په وروستۍ برخه کې د ازموینې لومړي مقام ګټونکي ته یو عراده صفر کیلومتره موټرسایکل او یو عراده بایسکل او همداشان دویم، درېیم، څلورم مقامونو ته لپټاپ کمپیوټرونه او تر ۳۰ مې نومرې پورې ګټونکیو ته په ترتیب سره جوایز ورکړل شول.

۱۴۴۵/۳/۱۵ هـ ق
۱۴۰۲/۷/۸ هـ ش