دایکندي کې د عاليقدر امیرالمؤمنین حفظه الله د فرمان د تشریح په اړه د همږغۍ غونډه وشوه
د دایکندي ولايت د اطلاعاتو او کلتور رياست له خوا د رسنيو له مسؤلينو او خبريالانو سره د عالیقدر اميرالمؤمنین حفظه الله د ۱۷ مې ګڼې فرمان چې د ناوړه رواجونو او بې ځایه لګښتونو په اړه صادر شوی دی، د تشريح او همږغۍ غونډه وشوه.
د اطلاعاتو او کلتور رئيس قاري آغا ولي قریشي په دې غونډه کې د ټولنې له ناوړه رواجونو په ځانګړي ډول د واده د مراسمو، د فاتحو او له حج او عمرې څخه د بېرته راګرځېدو د مراسمو د مخنیوي په اړه هر اړخیز بحث وکړ.
نوموړي د رسنیو له مسؤلینو وغوښتل، چې د عامه پوهاوي لپاره د خپلو رسنيو له لارې د دې فرمان په اړه دوامداره خپرونې جوړې کړي، تر څو په ټولنه کې له ناوړه رواجونو څخه مخنیوی وشي.
۱۴۴۶/۱۱/۲۸ هـ ق
