خوست کې معلوماتو ته د لاسرسي په اړه غونډه وشوه
د خوست ولايت د اطلاعاتو او کلتور رياست د غونډو په تالار کې د امارتي ادارو وياندويانو ته د معلوماتو ته د لاسرسي په اړه غونډه وشوه.
د اطلاعاتو او کلتور رئیس مولوي شاه حسین مسجدي معلوماتو د لاسرسي په برخه کې دا ډول ناستې مهمې وبللې او د ورته غونډو د دوام ډاډ يې ورکړ.
د يوناما د بشري حقونو مشر علي سلامي د یوناما او بشري حقونو د ادارې د چارو او مسؤلیتونو په اړه د معلوماتو ورکولو تر څنګ د رسنیو او له هغو سره د اطلاعاتو د شریکولو او د بیان آزادۍ په اړه مفصلې خبرې وکړې او زیاته یې کړه؛ معلوماتو ته د لاسرسي حق د ټولنې او ولس مهم او اساسي حق دی، چې په مرسته یې خلک په ټولنه کې رغنده او اغېزناکه ونډه اخلي او په ترڅ کې یې مهمې او حیاتي پرېکړې کوي، چارواکي مسؤلیت منلو او حساب ورکولو ته اړ باسي.
د غونډې په وروستيو کې په ځانګړې شوې موضوع ګډونوالو ته ځانګړی تدریس وشو.
۱۴۴۶/۹/۱۲ ق
۱۴۰۳/۱۲/۲۲ ل
