خان آباد ولسوالۍ کې مشاعره ترسره شوه

د کندز ولایت د اطلاعاتو او کلتور ریاست له لوري د ادبي څراغ فرهنګي ادارې په همکارۍ په خان آباد ولسوالۍ کې د لسګونو تنو شاعرانو او لیکوالانو په شتون کې مشاعره وشوه.
د کندز ولایت د فرهنګ او هنر آمر وویل: د اطلاعاتو او کلتور ریاست هر وخت د شاعرانو او لیکوالانو ترڅنګ ولاړ دی او له فرهنګي او ادبي پروګرامونو څخه د اسلامي امارت د اصولو په رڼا کې ملاتړ کوي. 
د څراغ فرهنګي او ادبي ادارې مسؤل د دې مشاعرې ترسره کولو څخه موخه د شاعرانو هڅول او ملاتړ یاد کړ او ویې ویل: په راتلونکي کې به د لازیاتو فرهنګي او ادبي پروګرامونو جوړولو کې هڅې وکړي.
په ورته وخت کې شاعرانو او لیکولانو د مشاعرې جوړولو څخه خوښي څرګنده کړه او له مسؤلینو څخه یې د ورته نورو پروګرامونو د جوړولو غوښتنه وکړه، د شاعرانو او لیکوالانو په وینا؛ که فرهنګۍ او ادبي پروګرامونه ډېر جوړ شي، زیاتره ځوانان شعر ویلو او لیکوالۍ ته مخه کوي.

۱۴۴۷/۳/۲۷ هـ ق