تخار کې له وړیا ښوونيز مرکز څخه لسګونه ځوانان فارغ شول
چارو آمریت له وړیا ښوونيز مرکز او هدف خیریه بنسټ څخه ۱۴۰ تنه ځوانان د انګلیسي ژبې او کمپیوټر د درې میاشتني ښوونيز پروګرام تر بشپړولو وروسته فارغ شول.
د اطلاعاتو او کلتور رئيس مولوي ذبیح الله انصاري ټینګار وکړ، چې د اطلاعاتو او کلتور ریاست به د ځوانانو د ظرفیت لوړولو لپاره خپلې هڅې نورې هم پراخې کړي.
نوموړي زیاته کړه؛ دا ښوونيز پروګرام د ځوانانو د ظرفیت لوړولو د ګټورو پروګرامونو یوه برخه ده او دا ډول نور پروګرامونه به هم ترسره شي.
د هدف خیریه بنسټ مسؤل د دې ښوونيز پروګرام موخه د ځوانانو زده کړو ته هڅول وبلل، نوموړي د تخار د اطلاعاتو او کلتور ریاست له همکارۍ مننه وکړه او ويې ويل: د هدف بنسټ به په راتلونکي کې هم د ځوانانو د ظرفیت لوړولو لپاره نور ښوونيز پروګرامونه ترسره کړي.
ځوانانو له دې ښوونيزو پروګرامونو خوښي څرګنده کړه او د اطلاعاتو او کلتور ریاست او نورو همکارو بنسټونو څخه یې وغوښتل، چې د ځوانانو د ظرفیت لوړولو لپاره دا ډول پروګرامونه په راتلونکي کې هم دوام ومومي.
۱۴۴۶/۹/۱۹ ق
۱۴۰۳/۱۲/۲۹ ل
