بي بي سي باید د افغانانو دیني او ملي ارزښتونو ته درناوي ولري او حقایق منعکس کړي.

rahim_admin
سه‌شنبه ۱۴۰۳/۲/۴ - ۸:۳۴
Kabul province

نن دوشنبه( ۱۳ د شوال المکرم ۱۴۴۵) د اطلاعاتو او کلتور وزارت د هنر او فرهنګ معینیت مقام کې د ياد معینیت معين مولوي عتیق الله عزیزي، د نشراتو معینیت وارسي کوونکي مولوي ضیاالحق حقمل او د رسنيو په نشراتو د نظارت او څار رئيس ډاکټر عبدالواحد ریان د جنوبي اسیا لپاره د بي بي سي مشرې  جکي مارتینس سره ولیدل. 

د هنر او کلتور معین مولوي عتیق الله عزیزي وویل: اسلامي امارت د اسلامي ارزښتونو په پام کې نیولو سره افغانستان کې د رسنیو، خبریالانو او بیان ازادۍ ملاتړکوي، ټولې رسنۍ باید د افغانانو دیني او ملي ارزښتونو ته درناوي ولري او حقایق منعکس کړي،  بي بي سي چې د افغانستان لپاره د نشراتو اوږده مخینه لري لازمه ده چې د افغاني ټولنې حساسیتونو او ځانګړتیاوو ته پام وکړي.
 
 د نشراتو معینیت وارسي کوونکي مولوي ضیاالحق حقمل وویل : بې بې سي که غواړي په افغانستان کې خپلو فعالیتونو ته دوام ورکړي نو ضروري ده چې له هغو خبرونو او شائعاتو نشرولو څخه ډډه وکړي، چې د افغانانو ترمنځ د نفاق او تعصب سبب ګرځي.
 
د رسنيو په نشراتو د څار او نظارت رياست رئيس ډاکټر ریان یو شمیر هغه مستند موارد د بي بي سي مشرې ته ور په ګوته کړل چې په تیرو څو میاشتو کې د بي بي سي راډیو بېلابېلو برخو او خپرنیزو منابعو خپاره کړي وو.

د جنوبي اسیا لپاره د بي بي سي مشرې جکي مارتینس وویل: دوی به دغه نواقص او ملاحظات له ځان سره یوسي او د ستونزو د حل لپاره به له خپلو مسؤلینو سره خبرې وکړي.

۲۲/۴/۲۰۲۴ ميلادي
۳/۲/۱۴۰۳    ھ ل

تازه خبرونه

یکشنبه ۱۴۰۳/۲/۳۰ - ۱۴:۵
Background image

د پروان اطلاعاتو او فرهنګ رياست له خبريالانو او د رسنيو مسؤلينو سره د همغږۍ غونډه ترسره کړه 

شنبه ( ۹ ذوالقعده ۱۴۴۶ ) د پروان ولایت د اطلاعاتو او فرهنګ ریاست له خبریالانو او د رسنیو له مسؤلینو سره د همغږۍ غونډه ترسره کړه، چې پکې د ولایت مقام، امربالمعروف او امنيه قوماندانۍ. . .

یکشنبه ۱۴۰۳/۲/۳۰ - ۹:۱۵
Background image

لوګر کې د سیرت النبي (ص) د سیالۍ مخکښ ګډونوال وستایل شول

شنبه ( ۹ د ذوالقعدې ۱۴۴۵) د لوګر ولايت د اطلاعاتو او فرهنګ ریاست له لوري په خوښۍ ولسوالۍ کې د سیرت النبي(ص) د سیالۍ ۱۵ تنه مخکښ ګډونوال د يوې غونډې په ترڅ کې وستایل شول.

د خوښۍ ولسوالۍ. . .

یکشنبه ۱۴۰۳/۲/۳۰ - ۹:۱۰
Background image

پکتیا کې د "امارت پېژندنې" سیالۍ ازموینه واخيستل شوه

شنبه (۹ د ذوالقعدې ۱۴۴۵) د پکتیا ولایت مرکز ګردېز ښار کې د اطلاعاتو او فرهنګ، پوهنې او پکتیا پوهنتون ریاستونو په ګډې همغږۍ د ولایت په کچه د ۳۰۰۰ کسانو څخه د "امارت پېژندنې" سیالۍ. . .

BACK TO NEWS