د رسنيزو سرغړونو کمیسیون نوبتي غونډه ترسره شوه
دوشنبه (۱۲ د رجب ۱۴۴۶) د اطلاعاتو او کلتور وزارت د خپرونو چارو معين او د کمېسيون مرستیال ښاغلي مهاجر فراهي صاحب په مشرۍ د رسنیزو سرغړونو د ارزونې کمېسیون نوبتي غونډه د خپرونو چارو په معينيت کې ترسره شوه.
د غونډې په پیل کې د خپرونو چارو معین مهاجر فراهي صاحب د تېرې غونډې د پرېکړو او لاسته راوړنو ارزونه وکړه.
د رسنیزو سرغړونو کمېسیون په دې غونډه کې د رسنیو لخوا د راپور جوړونې په جریان کې د خلکو شخصي حریم ته د درناوي په موخه لازمې پریکړې وشوې، سربیره پر دې د خبريالانو له لوري پر بعضو رسنیو شوي شکايتونه وڅېړل شول، همدا راز په شپږو نورو موضوعاتو هم بحث وشو، چې په اړه يې لازمې پرېکړې وشوې.
یاده غونډه د اختتامیې په دعا سره پای ته ورسېده.
۱۴۰۳/۱۰/۲۴ ل
۲۰۲۵/۱/۱۳ ز
