دایکندي کې د رسنیو او حکومت ترمنځ ګډه کمیټه جوړه شوه
دایکندي ولايت د اطلاعاتو او کلتور ریاست مسؤلین وایي: چې د خبریالانو او رسنیو د ستونزو د حل په موخه د حکومت او رسنیو ترمنځ ګډه کمیټه جوړه شوه.
د اطلاعاتو او کلتور رئیس سید مصطفی صالح وویل: د دې کمیټې د جوړولو موخه معلوماتو ته د لاسرسي برخه کې د اسانتیا رامنځته کول او د خصوصي محلي رسنیو د اداري ستونزو حل دی.
ښاغلي صالح ټینګار وکړ، چې ټولې رسنۍ باید خپلې خپرونې د اصولو او اسلامي شریعت مطابق برابرې کړي او د داسې مطالبو له خپرولو ډډه وکړي، چې د اسلام مبارک دین او د افغان اصیل کلتور سره په ټکر کې وي.
د خبریالانو د خونديتوب کمیټې مسؤل حسین شهاب وویل: دې کمېټه کې د ټولو رسنيو استازي شته، د ښاغلي شهاب په وینا؛ د دې کمیټې په جوړېدو سره به د رسنیو ټولې ستونزې په وخت حل کېږي.
۱۴۴۶/۶/۲۷ هـ ق
۱۴۰۳/۱۰/۹ هـ ل
