هرات کې د شعر او ادب اونیزه غونډه جوړه شوه
سه شنبه (۱۰ محرم ۱۴۴۶) د ھرات ولايت د اطلاعاتو او کلتور ریاست مسؤلين وايي: د هرات د اطلاعاتو او کلتور ریاست د شاعرانو او اديبانو د ملاتړ لپاره اونیزه غونډه جوړه کړه.
د هرات د اطلاعاتو او کلتور رياست د فرهنګ او هنر آمر مولوي حميدالله غياثي وويل: دا شعري او ادبي غونډه هره اونۍ په دغه رياست کې جوړېږي او د هغه لومړۍ شعري ناسته وه چې د هرات په اطلاعاتو او کلتور رياست کې جوړه شوې وه.
يو شمېر شاعرانو د داسې برنامو ستاينه وکړه او ويې ويل: چې په داسي غونډو کې بيلابيل ولسي او ملي اشعار ويل کيږي، دوی په دې باور دي چې دا ادبي غونډې د ادبي استعدادونو د ودې او د شعر او ادب د پیاوړتیا بنسټ دی.
د یادونې وړ ده، چې هره دوشنبه د هرات په اطلاعاتو او کلتور رياست کې داسې ادبي غونډه جوړیږي.
۱۴۰۳/۴/۲۷ ھ ش
۲۰۲۴/۷/۱۷ ميلادي
