پروان ولايت کې د خصوصي رسنيو څخه ليدنه او څارنه ترسره شوه
د پروان ولايت د اطلاعاتو او کلتور رئيس مولوي شمس الرحمن صديقي د يوه پلاوي په ملتيا نن سه شنبه د دنيا او کهکشان په نوم خصوصي راډيوګانو څخه د ليدنې تر څنګ څارنه ترسره کړه.
مولوي شمس الرحمن صديقي د پروان د خصوصي رسنيو څخه د ليدنو او څارنې په دوام نن د خصوصي راډيوګانو د سټوډيو او خپرونو څخه څارنه وکړه او د هغوۍ ستونزې يې له نژدې څخه واوريدې.
ښاغلي صديقي د يادو رسنيو له مسئولينو څخه وغوښتل چې د خبريالانو د خونديتوب مياشتنيو غونډو کې ګډون وکړي، چې هلته خپلې شته ستونزې د مسئولينو سره شريکې کړي، تر څو ستونزو ته يې د حل لارې پيدا کړل شي.
۱۴۴۴/۱۰/۱۲ ه ق
۱۴۰۲/۲/۱۲ ه ش
