غزني کې ځوانانو ته د فکري جګړې په اړه معلوماتي سمینار ترسره شو
د غزني د اطلاعاتو او کلتور ریاست د ځوانانو چارو آمریت له لوری یاد ریاست کې ځوانانو ته د فکري جګړې په اړه یو ورځنی معلوماتي سمینار ترسره شو.
د اطلاعاتو او کلتور رئیس ملا حمیدالله نثار د یاد سمینار په پیل کې د فکري جګړې په اهمیت خبرې وکړې او په اړه يې پوهه ترلاسه کول اړینه وبلله.
نوموړي فکري جکړه د نظامي جګړې څخه خطرناکه یاده کړه او ويې ويل: په فکري جګړه کې د خلکو باورونه، عقاید او کلتور تر برید لاندې نیول کیږي.
ورپسې د استاد انورالحق عمر له لوري د فکري جګړې د تعریف او اهدافو ترڅنګ، د تبلیغاتي جګړې اړوند تفصیلي معلومات وړاندي شول، او د دې جګړې د وسایلو او د مخنیوي د طریقو په اړه یې خپله ترسره کړې ژوره څیړنه له ګډونوالو سره شريکه کړه.
د يادونې وړ ده، چې د سمینار په پای کې له ګډونوالو څخه د فکري جکړې اړوند ځینې پوښتنې وشوې، چې غوره ځواب ویونکو ته ډالۍ هم ورکړل شوې.
۱۴۴۶/۹/۲۴ ق
۱۴۰۴/۱/۴ ل
