امتحان نهایی کورس‌های تعلیمی مرکز آموزشی در نیمروز اخذ گردید

آمریت امور جوانان ریاست اطلاعات و فرهنگ ولایت نیمروز صنف‌های آموزشی در بخش‌های مختلف به صدها تن جوان آغاز کرده بود که امتحان نهایی آن اخذ گردید.
الحاج مفتی حبیب‌الله الهام رییس اطلاعات و فرهنگ ولایت نیمروز در زمینه برگزاری امتحان مذکور می‌گوید: از ۱۲۵ تن اشتراک کنندگان دورهٔ دوازدهم کورس‌های تعلیمی این ریاست در بخش‌های یادگیری زبان‌های عربی، انگلیسی و کمپیوتر در ۵‌ صنف که دورۀ ۱.۵ ماهه را سپری نموده‌اند؛ امتحان اخذ گردید.
محترم الهام اضافه نمود: در این دوره جوانان و نوجوانان در سنین مختلف جهت فراگیری علوم عصری و دینی اشتراک نموده بودند.
اشتراک کنندگان در این امتحان ضمن ابرازسپاس از ریاست اطلاعات و فرهنگ جهت برگزاری کورس‌های تعلیمی و شفاف بودن امتحان، خواستار برگزاری کورس‌های بیشتری گردیدند.

۱۴۴۶/۹/۱ ه‍ ق
۱۴۰۳/۱۲/۱۱ ه‍ ش