د اطلاعاتو او کلتور وزير د احمد شاه بابا د کور له رغنيزو چارو څخه ليدنه وکړه
دوشنبه ( ۱۲ د رجب ۱۴۴۶) د اطلاعاتو او کلتور وزارت وزير الحاج ملا خيرالله خيرخواه صاحب کندهار ولايت ته د خپل سفر په لړ کې د احمد شاه بابا د کور له رغنيزو چارو څخه ليدنه وکړه.
ښاغلي خيرخواه صاحب د احمد شاه بابا له کور څخه د ليدنې په ترڅ کې تاريخي آبداتو او کلتوري ميراثونو په ساتنه او رغونه ټينګار وکړ او ويې ويل: د احمد شاه بابا کور چې د افغانستان له تاريخي آبداتو څخه ګڼل کېږي، د اطلاعاتو او کلتور وزارت د ځانګړې پاملرنې او هڅو په ترڅ کې يې د بیا رغونې کارونه پيل شوي دي، چې دا مهال يې رغنيز کارونه ۹۰ سلنه ترسره شوي او د پاتې کارونو د ترسره کولو لپاره پکښې لا هم رغنيزې چارې روانې دي.
ښاغلي خيرخواه صاحب زياته کړه، تاريخي آبدات او کلتوري ميراثونه د ملتونو هويت څرګندوي او ساتنه يې د ټول ملت ګډه دنده او مسؤليت دی.
۱۴۰۳/۱۰/۲۴ ل
۲۰۲۵/۱/۱۳ ز
