تهران کې د ا.ا.ا سفارت فرهنګي اتشې او د محصلينو څانګې لخوا استادانو او محصلينو سره ناسته وشوه
په تهران کې د ا.ا.ا سفارت کې د اطلاعاتو او کلتور وزارت فرهنګي آتشې عزت الله اصف او د محصلینو څانګې لخوا استادانو او محصلينو سره مشورتي او د نظریاتو د تبادلې په موخه ناسته ترسره شوه.
ياده ناسته په تهران کې د ا.ا.ا د سفارت د فرهنګي آتشې عزت الله اصف او محصلينو د څانګې لخوا د نظریاتو د تبادلې، او دخدمتونو د ښه والي په برخه کې د ستونزو او ننګونو په اړه د پوهیدو او د ښه والي لپاره يې د اغیزمن میکانیزم د رامنځته کولو په پار جوړه شوې وه.
ياد سفارت کې د اطلاعاتو او کلتور وزارت فرهنګي آتشې ښاغلي عزت الله اصف او د دې سفارت د محصلینو د څانګې مسؤل د ناستې په ترڅ کې د علم، کلتور، هنر او سپورت په برخو کې له محصلينو او ورزشکارانو سره د مناسبې فضا رامنځته کولو ترڅنګ ګډونوالو ته ويناوې هم وکړې.
۱۴۴۶/۴/۱۰ هـ ق
۱۴۰۳/۷/۲۲ هـ ل
