د بادغيس محلي موزيم پرانیستل شو
سه شنبه ( ۱۲ د ذوالقعدې ۱۴۴۵ ) د بادغيس ولايت د اطلاعاتو او فرهنګ رياست له لوري په دې ولايت کې محلي موزيم پرانیستل شو، چې د پرانستې مراسمو کې د مرستيال والي مولوي غلام محمد محمدي سربېره ګڼ شمېر علماوو، ځوانانو، د رسنيو مسؤلينو او خبريالانو برخه اخستې وه.
د اطلاعاتو او فرهنګ رياست د مسؤلينو په وينا؛ په بادغيس ولايت کې يې د تاريخي آثارو د خوندي ساتلو په موخه دا اقدام ترسره کړی دی، تر څو د شته تاريخي آثارو څخه په سمه توګه ساتنه وشي.
د اطلاعاتو او فرهنګ رياست مسؤلين وايي: په نوي جوړ شوي موزيم کې به ۲۵۰ لرغوني آثار چې د غزنويانو او يو شمېر نورو تاريخي دورو پورې اړه لري، د ساتنې او نندارې په موخه ځای په ځای شي.
۲۰۲۴/۵/۲۱ ميلادي
۱۴۰۳/۳/۱ ھ ش
