سمنګان کې ( د سيرت ستوري ) په نامه سيالۍ ترسره شوه
دوشنبه (۲۲ د رمضان المبارک ۱۴۴۵) د سمنګان ولايت د اطلاعاتو او کلتور رياست له لوري د اکټېډ موسسې په همغږۍ ( د سيرت ستوري) په نامه سيالۍ د همدې موسسې د تجارت د مهارتونو او ودې ښوونيز مرکز د زده کوونکو ترمنځ ترسره شوه.
د اطلاعاتو او کلتور رياست د ځوانانو چارو آمر مخدوم صبغت الله زرقاوي وويل: د اسلامي او قراني پروګرامونو ترسره کول له فضيلت خالي نه وي، ځوانان باید د قرانکريم او سيرت النبي ﷺ مطالعه وکړي، هر مسلمان شخص ته لازمه ده چې د رسول الله ﷺ سيرت سره بلد اوسي.
د اکټېډ موسسې مسؤل ضیاالرحمن شرقي زاده د يادې سيالۍ موخه د رسول الله ﷺ له سيرت سره د ځوانانو بلدتيا ياده کړه، د نوموړي په وينا؛ ځوانانو ته باید حضرت محمد ﷺ الګو وي.
ښاغلي شرقي زاده زياته کړه؛ دې سيالۍ کې د اکټېډ موسسې د تجارت د مهارتونو او ودې ښوونيز مرکز۱۳۰ تنو زده کوونکو ګډون کړی وو.
