غزني کې د ( ځوانانو فکري او معنوي وده ) تر نامه لاندې علمي سيمينار پيل شو

دوشنبه (۱۵ د رمضان المبارک ۱۴۴۵) د غزني ولايت د اطلاعاتو او کلتور رياست له لوري د ياد رياست په ښوونيز مرکز کې د ( ځوانانو فکري او معنوي وده ) تر نامه لاندې لس ورځنی علمي سيمينار پيل شو، چې پکې د مسؤلينو ترڅنګ محصلينو، زده کوونکو او د مدرسو طالب العلمانو ګډون کړی وو.

د غزني ولايت د اطلاعاتو او کلتور رئيس ملا حميدالله نثار وويل: د ياد علمي سيمينار څخه يې موخه د عصري او اسلامي علومو په اړه د ځوانانو فکري وده ده، سيمينار کې به د واده کولو، کلتور او ادبياتو، ظاهري او باطني سياست، فکري مبارزې، د مطالعې د ارزښت او د عصري علومو په اړه د پوهنتون د استادانو، علماوو او د کورسونو د استادانو له لوري معلومات وړاندې شي. 

ورپسې د غزني د تحصيلي بنسټونو استادانو هر يو دوکتور سيد لياقت علي او پوهنمل استاد مصطفی صفا د سيمينار په اړه خپل نظريات شريک کړل او د اطلاعاتو او کلتور رياست له مسؤلينو يې د سيمينار او ورته نورو پروګرامونو د ترسره کولو له امله مننه وکړه.

د يادونې وړ ده چې د سيمينار په پای کې به ګډونکوو ته تصديق پاڼې هم ورکړل شي.