د تخار د اطلاعاتو او کلتور رئيس له قزاقستاني څېړونکي سره وليدل
سه شنبه (۲۶ د رجب ۱۴۴۵) د تخار ولايت د اطلاعاتو او کلتور رئيس مولوي ذبيح الله انصاري په خپل کاري دفتر کې له قزاقستاني څېړونکي (جمارت) سره وليدل.
ښاغلي انصاري قزاقستاني څېړونکي (جمارت) ته د ښه راغلاست ويلو تر څنګ د افغانستان د اوسني وضعيت، تاريخي آبداتو، تاریخي آثارو او د سیلانیانو د خونديتوب په اړه عمومې معلومات ورکړل.
ښاغلي جمارت د سيلانيانو او څېړونکو لپاره افغانستان امن هېواد وباله او د افغانستان د خلکو لپاره يې د ادارې او نظم په برخه کې او همدا ډول د بيارغونې او پرمختګونو له امله د اسلامي امارت له حکومتولۍ څخه خوښي څرګنده کړه.
