د غور والي د رسنيو له مسؤلينو او خبريالانو سره ليدنه وکړه

د غور والي ملا احمد شاه دين دوست د اطلاعاتو او کلتور له رئيس ملا عبدالحی زعيم، د رسنيو له مسؤلينو او خبريالانو سره د همغږۍ او د رسنيو څخه د ملاتړ په موخه په خپل کاري دفتر کې وکتل.
د غور د ولايت مقام ویاند شيخ حماس وویل: په دې ناسته کې د غور والي له رسنيو سره په همغږۍ ټينګار وکړ او له رسنيو څخه يې وغوښتل چې واقعيتونو ته د شرعي، اسلامي او د ژورنالېزم له اصولو سره سم انعکاس ورکړي، ښاغلي دين دوست خبريالانو او د رسنيو مسؤلينو ته ډاډ ورکړ چې له دوی سره د همغږۍ په برخه کې او ددوی د مشکلاتو د له منځه وړلو په برخه کې ورسره همکاري کوي.
د اطلاعاتو او کلتور رئيس مولوي عبدالحی زعيم په غور ولايت کې د رسنيو سره د اطلاعاتو د پر وخت شريکولو له امله خوښي څرګنده کړه.

۱۴۴۵/۷/۴ هـ ق
۱۴۰۲/۱۰/۲۵ هـ ش