د نیمروز ولایت يو شمېر قاريانو د اطلاعاتو او کلتور له رئيس سره وليدل
د نيمروز ولايت يو شمېر قاريانو د اطلاعاتو او کلتور له رئيس الحاج مفتي حبیبالله الهام سره په ټولنه کې د قرآنکريم د خدماتو پر ډېروالي او په تجويد سره د زده کړې په تړاو لېدنه او خبرې وکړې، يادو قاریانو د ځوان نسل لپاره د قرآنکريم د زدکړې د زمينې برابرولو پر څرنګوالي سربېره خپل وړانديزونه او تجربې شريکې کړې.
الحاج مفتي حبیبالله الهام د قرآنکريم د زده کړې زياتېدل اړین وبلل او د اسلامي ټولنې د نېکبختۍ او اصلاح لپاره يې يو اړين ګام ياد کړ.
ښاغلي الهام زياته کړه؛ هڅه کوو په نږدې راتلونکي کې د ځوانانو لپاره د نيمروز ولايت د قاریانو په همکارۍ د ښار په يو شمېر مساجدو کې د قرآنکريم د زده کړې درسي حلقې دايرې کړو.
۱۴۴۵/۶/۱ هـ ق
۱۴۰۲/۹/۲۳ هـ ش
