د سرپل اطلاعاتو او کلتور ریاست کې له لیکوالانو او شاعرانو سره د همغږۍ غونډه تر سره شوه
نن چهار شنبه (۱۴۴۵/۲/۱۴ هـ ق) د سرپل ولایت د اطلاعاتو او کلتور ریاست کې له لیکوالانو او شاعرانو سره د همغږۍ غونډه تر سره شوه.
د غونډې په پیل کې د دغه ولايت د اطلاعاتو او کلتور رئیس مفتي عمیر سرپلي خبرې وکړې او ویې ویل: دا مهال د داسې کلتوري غونډو ترسره کېدو ته جدي اړتيا ده، موږ او تاسو باید په قلم سره فکري مبارزه وکړو او دوام ورکړو.
ښاغلي سرپلي زیاته کړه، چې دغه ولايت د ادب او کلتور کور دى او ځوانان يې هم دغه نظام ته ژمن دي، نو له همدې امله د اطلاعاتو او کلتور رياست د دې ولايت ځوانانو ته زياته پاملرنه کوي.
ښاغلي سرپلي له ليکوالانو وغوښتل چې د اسلامي نظام د ټينګښت لپاره خپلې مبارزې ته دوام ورکړي.
د غونډې په جریان کې استادانو او کلتورپالو د اسلامي او ملي ارزښتونو په باب ارزښتناکه ويناوې وکړې او د اطلاعاتو او کلتور له رياست څخه يې وغوښتل چې همداسې کلتوري پروګرامونه هر وخت جوړ کړي.
۱۴۴۵/۲/۱۴ هـ ق
۱۴۰۲/۶/۸ هـ ش
