اطلاعاتو او کلتور رياست له خراسان پوهنتون سره تفاهم ليک لاسليک کړ
د ننګرهار اطلاعاتو او کلتور رياست رئيس مولوي نور محمد حنيف د خراسان پوهنتون د بشري علومو پوهنځۍ رئيس ښاغلي اورنګ صميم سره د ځوانانو لپاره د ژورنالیزم، انګليسي او عربي ادبياتو په برخو کې د تخفيف تفاهم ليک لاسليک کړ.
د دغه تفاهم ليک له مخې به د ننګرهار اطلاعاتو او کلتور رياست ياد پوهنتون ته ځوانان معرفي کوي او پوهنتون به ورته په ذکر شويو پوهنځيو کې ۵۰ سلنه تخفيف ورکوي، چې دا تخفيف به د ټولې تحصيلي دورې تر پايه د اعتبار وړ وي او ترڅنګ به يې خراسان پوهنتون معرفي شويو محصلينو ته به د انګليسي ژبې (ډي، ای، اېل) په يو کلنۍ برنامه کې د وړيا زده کړو زمينه هم برابروي.
۱۴۴۵/۱/۲۱ هـ ق
۱۴۰۲/۵/۱۶ هـ ش
