له رسنیو سره د همږغۍ او ملاتړ غونډه ترسره شوه
نن چارشنبه ۱۴۰۱/۹/۹ هـ ش د رسنیو مرکز کې له رسنیو سره د همږغۍ او ملاتړ غونډه ترسره شوه، چې پکې د اطلاعاتو او فرهنګ وزیر، معینانو، رئیسانو، د ا.ا.ا ویاندویانو، د رسنیو مرکز مسئول او د رسنیو مسئولینو ګډون کړی ؤ.
غونډه چې د قرآن کریم په څو مبارکو آیتونو راپیل شوه، د اطلاعاتو کلتور وزیر قدرمن ملا خیرالله خیرخواه د رسنیو پر مسئولینو ږغ وکړ چې رسنۍ باید د اسلامي او افغاني ارزښتونو په پام کې نیولو سره حقایق او داسي څه خپاره کړي چې د هیواد او نظام په ګټه وي او زیاته یې کړه، چې دوی له رسنیو سره پوره همکار او ملاتړي دي.
د خیرخواه صاحب تر خبرو وروسته، د اطلاعاتو او فرهنګ وزارت نشراتي معین ښاغلي "مهاجر فراهي" وویل، چې ا.ا له رسنیو سره د تصادم پر ځای د تفاهم لار غوره کوي او پر وخت یې ستونزو ته رسیدګي کوي.
وروسته د رسنیو استازو په خپل نوبت خپلې ستونزې او مشکلات له مسئولینو سره شریک کړل او د همکارۍ غوښتنه یې وکړه.
په پای کې د ا.ا.ا ویاند ښاغلي ذبیح الله مجاهد په خپلو خبرو کې وویل، چې د ا.ا پاليسي دا ده چې په هېواد کې رسنۍ پياوړې او فعاليتونونه يې مسلکي او معياري شي، همدا راز ښاغلي مجاهد ډاډ ورکړ چې د ا.ا.ا د رسنيو پر وړاندې شته ستونزو ته د حل په موخه وروستۍ هڅې کوي.
۱۴۰۱/۹/۹ هـ ش
۱۴۴۴/۵/۵هـ ق
