۱۲۵ تنه زده کوونکي فارغ شول
د پکتیکا ولایت د اطلاعاتو او فرهنګ ریاست اړوند له فکري او ښوونیز مرکز څخه د کمپیوټر بېلابېل پروګرامونو له ټولګيو څخه ۱۲۵ تنه زده کوونکي د یوې غونډې په ترڅ کې فارغ شول.
د اطلاعاتو او فرهنګ ریاست مسؤلینو فارغ شویو ځوانانو ته د مبارکي ترڅنګ وویل: تاسو باید په دغو زده کړو بسنه ونه کړی او د خپلو مهارتونو لوړولو په موخه لا ډېرې هڅې وکړې ترڅو ټولنه مو په بېلابېلو برخو کې پر ځان بسیا شي.
د غونډې په لړ کې فارغ شویو زده کوونکو ته تصدیق پاڼې هم وویشل شوې او زده کوونکو د اطلاعاتو او فرهنګ ریاست څخه د ورته پروګرامونو د پیاوړتیا او پراختیا غوښتنه هم وکړه.
۱۴۴۸/۳/۱۱ هـ ق
